SaiWanah : Kuminah album tichhuak dawn!

Tunlai Mizorama artist huhang ngah ber pawl, "Tui leh Mei" hitmaker SaiWanah chuan kuminah album tihchhuah tumin studio a luhchilh mek. Album-ah hian hla 12 awm tura tih a ni.

Album-a hla awm tur chungchang sawiin, "Hla tam zawk te hi chu infuihna hla a ni ang. Love song pawh ka zep tel dawn a, inṭhianṭhatna hla pawh pahnih a tel dawn a ni," tiin SaiWanah chuan Vanglaini a hrilh.

SaiWanah hi kum liam taah khan hlawhtlinnain a um ti ila kan sawi sual tam lo ang. Tualchhunga rimawi lam chawimawina lianzualah a hming lan lohna a awm lo a, nomination ṭhahnem tak hmuin award tam tak a hum haw tawh bawk.

A hla hit "Ṭhian", "Tui leh mei", "Khuanu Malsawmna" leh "Sahuai Ni Do" hi tleirawl aṭanga nu leh pa te'n an sakpui theihte an ni a, hla ṭha min hlui ṭhintuin album a tihchhuah leh turah hian hla hit tak tak a awm chho leh nawk dawn tih a chiang reng mai!