Bad Bunny, BLACKPINK & Frank Ocean ten Coachella Headline dawn

Coachella Valley Music & Arts Festival 2023 headline turte puanchhuah a ni a, Bad Bunny, BLACKPINK & Frank Ocean-te an inlan ang. Kumin Coachella hi kar hnih chhung, April 14-16 leh April 21-23 inkarah neih tura ruahman a ni. Coachella Headliner-ah hian rimawi khawvel lama kum ṭha bik hmangtute thlanchhuah an ni tlangpui ṭhin.

Coachella hmasa ber hi Empire Polo Grounds Indio, California-ah kum 1999-ah hman ṭan niin Beck, Tool leh Rage Against the Machine-te chu artist inlan hmasa ber an ni. Red Hot Chili Peppers, Beastie Boys, Radiohead, Coldplay leh The Cure te'n rock music ngainatute nuamtawlna hmunah rawn chantir chho lehin, kum 2010 chhoah erawh hip-hop lama mi hráng, Jay-Z, Kanye West, Dr. Dre, Snoop Dogg, Eminem, 50 Cent, Wiz Khalifa, Kendrick Lamar te hmel kan hmu chho leh ṭan a, holograph hmangin famta Tupac Shakur pawh perform tir a ni a, mipui lawm a hlawh hle.

Performance ropui tak tak hmu chho zelin kum 2019-ah Beyoncé, Ariana Grande-te hmel kan hmu leh. Covid 19 hripui leng vangin kum 2020 leh 2021 kha ṭhulh a ni a, kum 2022-ah ropui taka neih leh niin Harry Styles, Billie Eilish, Swedish House Mafia bakah The Weeknd-te chu headliner an ni.