Brad Pitt-an a production company-ah a thuneihna 60% hralh ṭhen

Brad Pitt chuan Hollywood hnuchhawn zai a rel ṭan mek. Lemchan khawvela hming langsar ber zinga mi la ni reng, Pitt chuan a nupui hlui Jennifer Aniston nen production company an din aṭanga a thuneihna 60% stake chu French media hnenah a hralh ṭhen.

"Brad chuan a hma hun thlamuang taka hman a duh a, engtiangin nge 'semi-retirement' nun hman a tum a hrechiang chak a ni," tiin Page Six chuan a tarlang. Mahse kum 59 mi Hollywood star chuan lemchan a la chawlhsan mai dawn lo tih a tarlang tel.

Angelina Jolie nen an inṭhen hnuah mipui hmaah a inlan tam lo hle a, a mi rin tlemte kiangah hun tam zawk hman a tum thute a lo sawilang tawh a ni. Angelina nen kum 12 zet an inneih hnuah kum 2016 khan an inṭhen a, fa paruk an nei a ni.