Luxury car man a pek theih loh vangin USD mtd 1.3 chawi turin Tyga lakah thubuai thehlut

Rapper Tyga chu a luxury car, Lamborghini Aventador leh Bentley Mulsanne man a pektlak theih loh vangin court chuan USD mtd 1.3 chawi turin a hriattir.

Tyga hian heng lirthei pahnihte hi USD 4,81,000 in a lei a, Choice Motors Credit chuan a interest nen USD mtd 1.3 chawi turin an khing let thung.

Kum 2019 khan car company dang, Midway Rent a Car, Inc. hnenah luxury car Rolls Royce leh Ferrari USD 4,41,000 man a leina a pek kim loh vangin, a man bakah USD 1,27,000 chawi turin an lo khing tawh bawk. Tyga chuan a lirthei man hi pektlak tiam mah se, a chetdan dawngdah tak vangin lirthei neitute'n an lak letsak thung a ni.

Tyga hi sum lamah talbuai a hrat viau. Kum 2018 khan, Young Money artist hi an inremna bawhchhiaa inchhung bungrua man a pek theih loh vangin USD 27,000 chawi tura tih a lo ni tawh a, a in luahman a pektlak zawh loh avangin USD nuai 2 chawi turin court-ah khin a lo ni tawh bawk.

Tun thleng chuan Tyga hian Choice Motors Credit nena an thubuai thar ber chungchangah thuchhuah a la siam lo. Tyga hi tunlai rapper hlawhtling ber pawl a ni a, rimawi aṭangin USD mtd tel a hailut tawh a, a album hnuhnung ber 'Legendary' chu kum 2020 khan tichhuakin, hlawhtling thawkhat hle mah se, sum lamah a rinawm miau loh avangin harsatna hrang hrang a tawk chho deuh reng a ni.