Birds of Prey-in beisei a phak dawn : Margot Robbie

'Suicide Squad' spin-off 'Birds of Prey: And the Fantabulous Emancipation of One Harley Quinn' star Margot Robbie chuan an film tihchhuah thar chuan kawng engkimah beisei a phak dawn tih a sawi.

'Birds of Prey' hi Zirtawpni khan theatre hrang hranga chhuah turin tlangzarh a ni a, Box Office-ah pawh che ṭha hle tura ngaih a ni. 

"Tunlai hunah chuan mi hian thil danglam hi an ngaihven hle in ka hria. Movie emaw TV show emawa thil danglam tak a thlen hian mi hian nasa takin a ṭha zawngin an bengkhawn ṭhin a, chutiang deuh chu hemi (film thar) chungchangah pawh hian a thlen ka ring," tiin Fox News a hrilh.

'Birds of Prey' chu thil thar leh danglam. comic book film dang ang lo tak a ni tih sawiin, Harley Quinn role play leh chu a hlimpui thu a sawi a ni.