Taeyang leh Jimin "VIBE" pui a nuam

Taeyang-a'n rimawi khawvelah thawm nei loa kum ruk chhung a bikbo hnuah, nimin khan BTS (Bangtan Boys) member Jimin nena an thawhdunna hla "VIBE" music video chu an tichhuak a, 'headline' a rawn siam rang hle a, a hla pawh 'vibe' pui a nuam hle.

BIGBANG member Taeyang chuan The Black Label a zawm hnua a hringnun bung thar a ṭan dan chungchang sawiin, "Ka eizawnna ka ṭan tirha rimawi leh hringnuna ka dah pawimawh thilah ka kir leh a hun ta. Kum ruk chhung khan music piah lama midang nena kan inlaichhinna leh ka nun ka ngaihtuah letin, hei aia langtlang zawk nih ka tum a ni," tiin kum 2022-a YG Entertainment nen an inṭhen hnua a hringnun zinkawng sawi danglam a tum dante a tarlang.