MZI Executive body ṭhukhawmin hmalakna thar tur an sawiho

Mizo Zaimi Inzawmkhawm (MZI) General Hqrs. Executive body chu January 13, 2023 khan kumina a vawi khatna atan Terrace Restaurant, Aijal Club-ah an ṭhukhawm a, zanriah an kilho nghal.

MZI Executive body ṭhutkhawm hi MZI President Er. Lalrothanga'n kaihhruaiin, MZI President hmasa ber, Adviser nilai R Vanlalzauva leh Adviser dangten rawtna, thurawn leh fuihna thu te an sawi bawk.

Kumina MZI hmalakna tur hrang hrang leh, zai leh rimawi hmasawnna tura hmalakna tur hrang hrangte MZI Executive body ṭhukhawm chuan an sawiho a ni. MZI hmalakna a chak zawk theih nan sub-committee panga siam an rawt. Sub-committee tih tur chin leh kaihhruaina tlangpui duan a, executive committee-in a pawm hunah sub-committee hrang hrang te chu siam an tum a ni.