Aizawl Day vawi 133-na lawmnan AMC-in Band Contest buatsaih dawn

Aizawl Municipal Corporation(AMC) chuan Aizawl Day vawi 133-na pualin, a vawikhatna atan February 25, 2023 hian Lammualah band contest ropui tak a buatsaih dawn. Intihsiaknaa tel turte chuan hla pathum tal an neih a ngai a, heng an hla zinga hla khat chu Demo (Live Video cover)-ah siamin February 11 hma ngeiin phone no - 9862519779 -ah hian whatsapp emaw telegram-ah emaw submit tur a ni.

Band member turte chu AMC area huam chhunga mi E- ROLL a awm ngei an ni tur an ni a, kumtling lo an nih chuan an Local Council hriatpuina lehkha an kengtel tur a ni. He band contest-ah hian Band hlun leh lo lar sa tan tel a remchang dawn lo a ni.

Intihsiaknaa mimal che ṭha zualte thlanchhuah an ni dawn a, best - drummer /guitarist/basist/vocalist/keyboardist te thlan a ni ang.

Zawhna nei leh hriatbelh duh neite tan hemi number-ah hian zawhchian theih a ni ang : 96150 24210/ 8787864679

Prizes

1-na - Rs 1,00,000

2-na - Rs 70,000

3-na - Rs 50,000

Consolation band pahnih tan - Rs 10,000