Album thar nen Jonas Brothers an lo kir dawn

American pop rock band, kum 2005-a din Jonas Brothers chuan kuminah music thar nen an lo kir leh ngei dawn tih an nemnghet. Disney Channel television network aṭanga lar chhuak, Jonas Brothers album chu fans tan nghah rei a ngai tawh lo ang. An vanglai hre pha chin chu an naupang chhe hauh tawh lo ang le.

Kevin Jonas, Joe Jonas leh Nick Jonas awmna 'The Jonas Brothers' chuan album thar tur chu engkim peihfel a nih thu an sawi bakah, kum tawp lamah tour neih an tum thu an la tarlang tel cheu!

Nick chuan JoBros hnen aṭangin rimawi tam zawk an chhawpchhuah zel tur thu sawiin, album leh single atana ṭul leh pawimawhte chu peihfel an nih tawh thu a sawi. Kum 2019 khan an comeback album "Happiness Begins" chu an lo tichhuak tawh a, an unau huhang la ngah zia chu an album hralhchhuah hian a tichiang mai awm e.