Jimin solo album thlalehah a chhuak dawn?

Jimin chuan Big Bang member Taeyang nen "VIBE" MV thar nen ropui taka kum bul an ṭan hnuah, a fans-te tan thuthar lawmawm rawn chhawpchhuak lehin, thla leh February hian a solo album a tichhuak dawn niin report thar ber chuan a tarlang.

Album thar chungchang hi BTS label, BIGHIT Music chuan chiang zawkin an puang vat tura rin a ni, Jimin hi BTS member zinga solo album tichhuak thei pathumna tur a ni dawn a, a member pui J-hope leh RM te'n an lo tichhuak tawh bawk.

"Jimin hi a solo music hi hun rei tak a lo buaipui tawh a, ARMY te chuan eng ang rimawi tak nge a chhawpchhuah dawn tih an hre chak tawh hle a ni. Jimin solo album thar turah hian artist eng emaw zat a thawhpui beisei a ni a, thu chiang zawk tihchhuah vat a ni ang," tiin BTS agency BIGHIT Music chuan a tarlang.