Selena leh Drew ten thawm an nei ṭan?

Selena Gomez pawhin kawppui thar a nei leh ta.

Electronic DJ leh production duo, The Chainsmokers a mi, Andrew Taggart nen an inzui mek niin khaw-thlang media-te chuan an tarlang.

Us Weekly tarlan danin kum 30 mi, Disney star leh a kawppui nia an sawi kum 33 mi, musician hian vantlang hriatah an inngaihzawnna hi la puangzar chiah lo mah se, thup erawh an tum ṭit ṭet lo niin a lang a, an pahniha hun hlimawm tak an hman dun ṭhin thute an tarlang.

Selena leh Drew-te hi engtik aṭanga inzui nge hriat a ni lo a, thla li liam ta khan Drew hi Steve Jobs fanu, Eve Jobs nen an inzui niin thuthang a lo awm tawh a nih kha.

Drew hian a hmain model Meredith Mickelson leh Instagram star Haley Rowe-te chu a lo kawp tawh ṭhin. March 2021 khan, kum khat an inzui hnuah YouTube star Chantel Jeffries nen an inṭhen thu an puang leh.

Selena erawh Justin Bieber nen kum 2018-a an inṭhen hnuah, a relationship chungchang hi a tarlang ngai lem lo. Zedd, Niall Horan leh Charlie Puth nen sawizawm a lo ni tawh a, kum 2017 khan The Weeknd nen inzuiin thla tam an inzui hmain hemi kum vek, October thla khan an inṭhen zui leh a ni.