DIOR brand ambassador thar JIMIN

Khawvel huapa luxury brand lar, Dior chuan an global brand ambassador thar ni turin BTS member Jimin chu inremna an neihpui.

BTS hi sumdawnna lamah a mikhual tawh lo hle. Kum 2019 khan, Dior menswear designer Kim Jones kutchhuak chu “Love Yourself: Speak Yourself” world tour an neih ṭumin an lo haksak tawh a ni.

BTS hian brand lar tak tak McDonald’s, Coca-Cola, Samsung leh Louis Vuitton-te rual pawh an lo thawhpui tawh bawk. Vuitton leh Dior-te hi French luxury conglomerate, LVMH Moët Hennessy Louis Vuitton hnuaia awm ve ve an ni.

Kum 2021 khan, Dior chuan Blackpink member Jisoo chu fashion leh beauty huangah an global brand ambassador atan an lo ruat tawh bawk. Dior leh Jisoo thawhdunna hian huhang a ngah tawk hle a, Paris Fashion Week chhunga 'social media with the highest value'-ah puan a lo ni tawh. Heti hian, Jimin chuan Exo member Sehun leh Astro’s Cha Eunwoo-te kiangah brand ambassador nihna hi a chelh ve dawn ta a ni.