Virat Kohli-a brand a hlu ber

Duff & Phelps’-in celebrity brand valuation report a tihchhuahah Indian cricket team captain Virat Kohli chu nikum chhunga celebrity brand hlu berah puan a ni a, a ṭum thumna atan he dinhmun hi a luah ta  ani.

Virat Kohli brand value hi nikum khan $mtd 237.5 a nih thu Duff & Phelps’ chuan a tarlang a, kum hmasa ai khan 39%-in a sang a ni. Bollywood star Akshay Kumar brand chu hlu ber dawttu niin a brand value hi $mtd 104.5 a ni thung. Anni pahnih dawtah chiah hian 'Bollywood power couple' tia an sawi Ranveer Singh leh Deepika Padukone an awm leh a, anni pahnih brand value hi $mtd 93.5 ve ve a ni thung.

Duff & Phelps’report-a most valuable celebrity brand top 20-te hlut zawng belhkhawm chu $tluklehdingawn 1 aia tam a ni a, chung zinga 75% chu top 10 hlutzawng belhkhawm a ni thung.