Billboard Hot 100 chart; Taylor Swift "Anti Hero" a che hero chho zel; "Ditto" nen New Jeans an rawn lang!

Tayor Swift hming kan lam a reh thei lo! A studio album 10-na "Midnights" lead single "Anti Hero" chuan Billboard Hot 100-ah a lal ṭhuthleng ken a la tum hauh lo a, kar riat chhung (a zawn ni lo) pakhatna a ni tawh. Kar sarih chhung No.1 ni thei "Blank Space" chu rawn vaw thlain, a hla zinga pakhatna dinhmun hauh rei thei ber a ni. October 21, 2022 daih tawha tlangzarh kha ni mah se, artist naranin an tih theih loh chu Swift hian harsatna awm loin a rawn hma hmiah hmiah mai a ni.

Billboard 200 lama thawm nei lian tak, SZA "Kill Bill" chu pahnihnaah a rawn invawrh chho a, thlasik khawvawt laia Billboard luahlumtu artist lawm hlawh a ni chho mek.

New Jeans hla thar
An band debut aṭanga thla ruk erh awrh a liam tihah, K-pop rookie girl band New Jeans single "Ditto" chu Hot 100 huangah a rawn inhlangkai nghal.

Member panga awmna hi July 2022 aṭang khan mumal takin rimawi dawhsanah an rawn inlar ṭan a, Asian music awards hlun leh ngaihhlut, "2023 Golden Disk Awards"-ah "Rookie Artist Award" leh "Best Digital Song" an lo pawm haw tawh a ni.

Billboard-ah K-pop an huangtau zel

South Korean artist zingah rapper Psy, BLACKPINK leh BTS-te chu Hot 100 chart-ah hian an lo lang tawh a, New Jeans hi K-pop artist zinga global song chart-a lang thei artist pasarihna an ni. Khawvel huapa chart ngaihhlutah kan khawchhak unaute hi kan hmuh chhoh zel pawh a rinawm hle a ni.