"The Last of Us" in HBO-ah sulhnu ropui a hnutchhiah

Action-adventure video game behchhana siam "The Last of Us" chuan HBO-ah debut hlawhtling tak neiin "House of the Dragon" chiah a phak lo.

Pedro Pascal channa hian views maktaduai 4.7 chuang a nei thei a, nikum khan Game of Thrones spinoff chuan record thar rawn siamin, linear leh HBO Max kaltlangin views mtd 9.9 chuang zet a nei thei a, original series zinga audience ngah ber a la ni lawrlak a ni.

Canada ram chanchina television production lian leh senso hautak ber nia an sawi hi July 2021-June 2022 inkarah, Alberta-a an chan a ni. Video game behchhana HBO-i'n series an siam hmasak ber niin, Playstation khel ṭhinte'n a hming hi chu kan hre fur tawh awm e.

"The Last of Us" hi January 15, 2023 khan pekchhuah ṭan niin, an performance, thawnthu, design vangin fak a hlawh hle a, tam takin video-game behchhana live-action series ṭha berah an chhal hial!