Vantlang tana hna thawk lo Cardi B; taninah tang mai thei

New York hip hop star, Cardi B chuan nikum September thlaa strip club-a inbeihna leh intihbuaina thubuai kal zelah court-in ni 15 chhung vantlang tana hnathawh, community service hremna a pek chu a zawm duh lo a, court nena inremna an siam angte a zawm lo chhunzawm zel a nih chuan taninah a hun a hmang thei dawn niin report chuan a tarlang.

"Bodak Yellow" raptress hi Thawhṭanni khan, Queens Criminal Court-ah inlanin, ni 15 chhung community service-ah hna a thawh loh chhan insawifiahna hun an siamsak a. A tuk Thawlehniah judge chuan March 1 thleng a thubuai chinfel theihna hun pein a pawhseisak leh a ni.

Cardi B thubuai hi September khan chinfel niin, thiam loh chantir a ni. Rapper chuan court thutluknaah a vui loh thu sawiin, "Puitlinna leh ṭhanlenna kawnga pawimawh tak chu kan thiltiha mawhphurhna kan lak ngam hi a ni," tiin a tihsual a pawm thu a sawi.

He buaina hi kum 2018 daih tawha thil thleng kha niin, strip club-a bartender pahnihte chuan anmahni bei turin Cardi chuan mi a rawn tirh thu leh, bottle leh furniture hmangten an beih thu an sawi. Kum 2019 khan, a pasal Offset erawh he thubuaia an puhna lakah court chuan fihlimah a puang thung a ni.