BTS-in livestream concert an nei dawn
Bangtan Boys chuan hripui leng vanga 'Map of the Soul' tour an neih tur an ṭhulh hnuah June-ah hian livestream concert an nei dawn.
K-pop group hian 'Bang Bang Con The Live' an headline dawn a, June 14 hian he livestream concert hi an nei dawn a ni. Khawvel puma Army-te chuan an thlir thei dawn a, minute 90 rei a ni ang.
Thla hmasa khan BTS hian 'online weekend concert' an lo headline tawh bawk a, BANGTANTV YouTube Channel-ah hei hi tichhuakin mi maktaduai 50.6 laiin an thlir.
'Bang Bang Con The Live' hi hrileng vanga an tour neih tur an ṭhulh avangin an fan-te tan buatsaih an tum a, an YouTube channel-ah ET zing dar 5-ah an live dawn a ni.
Internet record hrang hrang siamtu Jungkook
BTS member Jungkook chu khawvela Twitter-a post panga maktaduai 2 chuang like-tu nei thei hmasa ber a ni.
April thla khan US president hlui Barack Obama record lo siam tawh, Twitter-a post pathum maktaduai 2 like nei thei hmasa ber nihna chu a lo nihrual tawh a, thla khat pawh a liam leh hmain a record siam tawh vek hi a khum leh.
Record a siamna post panga zinga pakhat, Lauv hla Never Not a cover-na phei chuan minute 10 chhungin mtd 1 chuang like a nei hman. He post bik hi Korean artist tweet zinga maktaduai 2 like nei hmasa ber a ni bawk.
Kumina first quarter chhunga Google leh YouTube-a K-pop zinga zawngtu leh thlirtu ngah ber pawh Jungkook bawk hi a ni a, nikum pawh khan he record hi a lo siam tawh bawk a ni.