Hollywood doll 'M3GAN' chhunzawmna kan hmu dawn

Hollywood doll lawm hlawh tak, M3GAN (Model 3 Generative Android) chhunzawmna siam a ni leh dawn a, Universal chuan M3GAN 2.0 chu January 17, 2025-ah tlangzarh tum a nih thu a sawi.

M3GAN hi USD mtd 12 vel senga siam niin budget sang a ni hauh lo, mahse khawvel pumah USD mtd 100 dawn hailut tawhin, kumin chhunga film sum hailut hnem ber a ni mek. Critics-te chuan horror leh humor inpawlh mawi tawk vangte'n an fak hle.

M3GAN 2.0 ah hian Allison Williams leh Violet McGraw-te hmel kan hmuh chhunzawm leh a rinawm a, a film direct tur erawh puanzar a la ni lo.

Hun rei tak chhung Hollywood doll lar ber ni ṭhin chu Chucky kha a ni a, tunah M3GAN chu he dinhmun luahlan thei turin dinhmun ṭha takah a rawn ding chho mek a ni.