Flo Rida-a'n a thubuaiah thiam a chang; USD mtd 82.6 zet a hum haw!

Hip Hop veteran, Flo Rida chuan energy drink company 'Celsius' nen an thubuai neihah thiam changin, Florida jury chuan company hi rapper laka an pawi khawihna man USD maktaduai 82.6 chawi turin a hrem.

Nilaini khan kum 2014-2018 inkara endorsement deal an siam chungchangah jury chuan 'Celcius' hi thiam lo zawkah a puang a, rapper bumnan hian thil ṭhenkhat puanzar leh ziahlan kim loh an neih tel thu a tarlang a ni.

"Zinkawng thui tak a ni a, mahse a tawpah kan dingchang ta. A tirte aṭangin ka thawhrah bak lak ka tum lo a , ka thawh aia tlem emaw tam emaw lak ka duh loh thu ka sawi," tiin thudik tak haichhuah a ni chu a lawm thu a sawi.

Flo Rida hian kum 2021 khan lawsuit hi thehlutin, Celcius nena an inremna hnuaiah stock leh royalty kaltlangin USD mtd tam tak an batsak tiin thubuai hi a thehlut a ni.