Kumin nipuiah Ted Lasso Season 3 pet hawng dawn

Jason Sudeikis channa, sports comedy-drama television series Ted Lasso Season thumna chu kumin nipuiah tlangzarh a ni ang.

Official taka tarlan la awm lo mah se, Season 3 hi "Ted Lasso" tawpna tur niin report chuan a tarlang. Sudeikis chuan kum 2021 khan, season thum chang turin series hi buatsaih a nih thu leh, Season thumna chu series kharna a ni ang tiin Entertainment Weekly a hrilh.

"Ted Lasso" hi Kansas khaw lian vak loa college football coach niin, football lamah tawnhriat nei lo chungin England-ah professional soccer team a enkawl dan chanchin tarlanna a ni a, a hlimawmin series lar leh enhlawh pawl tak a ni.