Kim K-i'n Princess Diana ṭhi a lei

Kim Kardashian chuan Princess Diana-i'n a lo awrh ṭhin, diamond-encrusted amethyst Attallah cross pendant chu auction kaltlangin a lei a, he ṭhi hlu tak a chang thei chu vannei a inti hle tih a sawizui. Kum 42 mi reality superstar chuan Sotheby annual Royal and Noble auction-ah Princess Diana ṭhi hlui hi a chhang huai ber a, USD 1,97,453 in a chang ta a ni.

Keeping up with the Kardashian star chuan princess fam ta ṭhi hlui a chang thei chu atan chawimawina danglam tak a nih thu sawiin, Diana hian he ṭhi hi kum 1987 khan London-a charity gala-ah Victorian velvet gown nen mawi takin a lo awrh tawh nghe nghe a ni.

Kum 1997-a Diana thih hnuah he ṭhi hi vantlang hmuhah phochhuah a ni tawh lo a, he cross pendant hi Diana bakin an la awrh lo niin report chuan a tarlang.