Ashlee Simpson-i'n fapa a nei dawn

'Pieces of Me' hitmaker Ashlee Simpson chuan April thla khan a fa pathumna tur a pai mek tih a sawi tawh a, a fa neih tur chu mipa a ni dawn tih a sawi leh tawh.

Kum 35 lai ni ve tawh Ashlee hian social media-a video clip a post hmangin a fa neih tur chu mipa a ni dawn tih a puangzar a ni.

Thla hmasa khan a rai leh rai loh test-na thlalak social media-ah tarlangin fa pathumna tur a nei dawn tih a lo sawi tawh. Ashlee Simpson hian Pete Wentz lakah kha fa Bronx a nei a, kum 11 lai a ni tawh. Hemi hnu hian tuna a pasal Evan Ross nen fa pakhat Jagger neiin, ani pawh hi kum 4 a ni ve leh tawh bawk.