The Byrds leh Crosby, Stills & Nash dintu David Crosby a thi

Zaithiam-hlaphuah thiam leh guitarist, The Byrds leh Crosby, Stills & Nash (a hnua Crosby, Stills, Nash & Young tiha thlak) dintu, David Crosby chu kum 81 mi niin Zirtawpni zing khan a thi.

Crosby thih thu hi a nupui chuan thuchhuah siamin a puang a, an chhungkaw lainata hmangaihtute chungah lawmthu a sawi nghal bawk.

David Crosby hona hnuaiah Crosby, Stills, Nash & Young (CSNY) hi American music leh hnam zia rang chawilartu lian tak an ni ṭhin a, an rimawi hian inngaihzawnna lam hla aṭanga politics thlengin an hawl kim hle a, "Long time gone", "Laughing", Wooden Ships" bakah hla hit tam tak a lo tichhuak tawh a ni.

Crosby hi Byrds leh CSN band kaltlanga a hnathawh ṭhat avangin rimawi lama mi bikte an lawmluhna, Rock and Roll Hall of Fame-ah ṭum hnih lakluh a ni tawh.