TWICE english single "Moonlight Sunrise" a chhuak ta!

Kum 2021 khan, TWICE chuan an English single hmasa ber "The Feels" chu tichhuakin, khawvela chart ngaihhlut ber Billboard Hot 100-ah a rawn inhlangkai nghal thei a, K-pop group zingah dinhmun sang thleng thei palina an ni.

Kum 2023 khuhhawnna atan Korean troupe-te chuan chart-a an hlawhtlinna chhawmnun tumin nimin khan English track, "Moonlight Sunrise" music video chu an tichhuak leh ta. An single thar hi “pre-release track,” angin an sawi a, project lian zawk nen kum chhinchhiah tlak hman tumin ruahmanna an kalpui mek tih an sawi.

JYP Entertainment hnuaia din, TWICE-ah hian member pakua Nayeon, Jeongyeon, Momo, Sana, Jihyo, Mina, Dahyun, Chaeyoung leh Tzuyu-te an awm. TWICE hi hmeichhia, Korean act zinga Billboard World Albums leh World Digital Song Sales chart thunun thei hmasa ber an ni.