Maurice Fayne an man
VH1 'Love & Hip Hop: Atlanta' star, Maurice Fayne chu Paycheck Protection Program (PPP) loan hmang dik loa puh a nih avangin an man tih federal official-te chuan an tarlang.
Maurice Fayne hian Flame Trucking corporation a nei a, April 15 khan a corporation hming hian PPP loan dilna a thehlut a, he a application thehluhah hian a corporation-a hnathawk mi 107 an awm thu leh heng ho tana hlawh a pek hi thlakhatah $1,490,200 a nih thu a ziak lang a ni.
PPP loan hi $3,725,500 a dil a, hnathawkte an hlawh lak chungchanga harsatna an neih loh nana tih a ni tih Paycheck Protection Program Rule chuan a tarlang. Mortgage interest payment, lease payment leh utility payment atana hman tura tih a ni bawk.
April thla vek khan United Community Bank chuan Maurice-a corporation a hman tur loan, $2,045,800 chu a pe chhuak a, mahse heng pawisate hi Maurice chuan a hmanna tura hmang loin, Jewelry (Rolex watch, diamond brace leh 5.73 carat diamond ring) lei nan $maktaduai 1.5 a hmang tih US Attorney Office chuan a tarlang in hei vang hian an man a ni.