‘Friday the 13th’ an tharthawh leh dawn?

Horror film lam ngainatute tan hun lawmawm a rawn inherchhuak chho mek niin a lang. Horror film chuai thei lo "Halloween" leh "Scream"-te'n hnuhma ropui tak an hnutchhiah tawh a, heng villain zinga a hming kan lam hmaih fo ṭhin chu Friday the 13th star, Jason Voorhees hi a ni. A original film director Sean S. Cunningham leh writer Victor Miller-te inkarah inhmuhthiam lohna a awm avangin kum eng emaw zat chawlhsan a lo ni tawh a, an thubuai chinfel tumin court hial an thleng tawh.

Report thar berin a tarlan danin, Cunningham hian Friday the 13th reboot siam tumin writer Jeff Locker leh director Jeremy Weiss-te thawhpui a tum tih a tarlang. Court thubuai kallai mek ni mah se, film thar siam tuma hmalakna erawh a awm dawn chiang niin a ngaih theih.

Friday the 13th hnuhnung ber kha kum 14 liam ta daih tawha tlangzarh kha a ni a, franchise-in film thar an siam leh a nih chuan Friday the 13th film 13-na tur a ni ang.