Kylie Jenner-i'n Travis Scott nena an fa pholang; A hming chu...

Reality TV star leh businesswoman, Kylie Jenner chuan a bialpa hlui Travis Scott nena an fa pahnihna chu a vawi khatna atan khawvel hmuhah a rawn pholang. Kum 25 mi chuan a IG kaltlangin a fa thla 11 mi nena an thlalak dunna leh, a fapa thlalak dangte chu rawn post-in, an fapa hmingah Aire Webster tih an sak thu a tarlang tel bawk.

Keeping up with the Kardashians star post hian like maktaduai 20 chuang a nei leh der tawh a ni.

Kylie leh Travis-te hian nikum February thla khan an inkara an fa pahnihna a rawn pian khan a hmingah Wolf Jacques Webster tih an phuah phawt. Mahse nikum March thla vek khan Kylkie chuan a IG story-ah a fapa hming chu Wolf a nih tawh loh thu a sawi leh!

A hming an puttir leh loh chhan sawiin Kylie chuan, "A inhmehin kan hre thei thlawt lo a ni. Hmun tinah chinghnia (wolf) ka hmuh ṭhin vanga rawn sawi ka ni," tiin a hming an paih lehna chhan a sawi.

Kylie chuan a fapa pualin YouTube Video "To Our Son" chu tichhuakin, hetah hian a fa pahnihna a pailaia hun a hman chhoh dante tarlan a ni. Kylie leh Scott-te hi hun rei tak an inkawp hnuah hunpui bawr vel khan an inṭhen leh niin US Weekly chuan a tarlang.