Jeremy Renner-a'n a ruh hmun 30 chuangah a titliak

Hollywood lemchanthiam, Marvel franchise-a Hawkeye lema chang ṭhin, Jeremy Renner chuan Kum Thar Ni a a chetsual ṭum khan a ruh chu hmun 30 laiah a tliak tih a sawi.

A hriselna dinhmun chungchang thuthar ber rawn tarlangin, Avengers actor chuan zingkar insawizawite, a hmabak zawng zawngte chu kum tharah hian a inthlak vek thu sawiiin, damdawi-ina a mu lai thlalak a rawn tarlang.

Renner hian a chenna Nevada-a vur tla a tihfai laiin vanduaina hi a tawk a, blunt chest trauma leh orthopaedic injury a neih phah a ni. Kar khat dawn chu dinhmun ngaihtuahawm, critical condition-ah awmin thi mai tura ngaih a nih hnuah tunah chuan dam lam a pan mek niin a tarlang.

Kum 52 mi actor chuan a vanduaina tawh chungchang hi IG ah rawn tarlangin, "Ka chhung leh kuate tan chhiatna tawpkhawk a ni, mahse hmangaihna hrilhfiah phak loh ka dawn phah thung," tiin milar tam takin duhsakna an hlan avanga a lawm thu hi a tarlang.