Dua Lipa-i'n album thar a buaipui mek Pop music hmangin min lamtir leh a tum

'Levitating' hitmaker, Dua Lipa chuan a studio album pathumna a buaipui mek thu rawn tarlangin, a album thar tur pawh hi 'pop music' rawngkai a la ni reng dawn tih sawiin, tlangzarh mai theih tura peih a ni tawh a ni, a ti. Amah kan hmelhriatna disco-pop music-ah min suk tir leh ngei dawn niin a lang.

Kum 27 mi English-Albanian pop star chuan, "Heng ka hla thute hi mimala ka tawn aṭanga ka ziahchhuah te an ni hlawm. Ka lo puitlin tak zel avangin ka music pawh a danglam zel tih in hmu ang," a ti.

Dua Lipa hian Michaela Coel, Penelope Cruz, Roger Federer leh Anna Wintour-te nen kumin Met Gala hi an host dawn a, kumin theme hi "Karl Lagerfeld: A Line of Beauty" tih a ni ang.

Lipa hian rimawi lama chawimawina sang chu a dawng kim thawkhat tawh hle. Kum naupangte a ni chungin Brit Awards paruk, Grammy Awards pathum, MTV Video Music Award, Billboard Music Awards pahnih leh American Music Award-te chu a trophy cabinet-ah hian a lo hung der tawh a ni.