"Ka rinchhan Lalpa" hla satu Nunui'n PhD hmu thar

Mizo gospel hla lar ber zinga mi, "Ka rinchhan Lalpa" tih hla sa tu, Lalremsiami (Nunui) chuan doctorate degree a hmu thar a, a thesis chu "Repossessing the Roots : A Study of Diasporic Sensibility in Lisa See’s Fiction" niin, English and Cultural Studies aṭangin Prof. K.C.Lalthlamuani Supervise-na hnuaiah a hmu thar a ni.

A thesis chungchang sawiin, "Lisa See, Chinese leh American thlahpawlhin a lehkhabu ziah thlanchhuah 10 aṭanga hnam, nunzia leh chezia te'n kan chhehvel hian min hnehna chen awm mah se, a tak takah chuan mahni duhthlanna ani tih lam zawnga zirchianna a ni deuh ber. We are who we want to be..Diaspora a luhchilhin hnam inneih pawlh te, hnam chengho ang chi ah te zirbingna kan kalpui deuh ber," a ti.

"Mizo context-ah pawh lalutin hnamdang nupui pasal nei te, hnamdang kher nei lo te pawh, ze hrang hrang an awm a, Mizo taka America rama awm an awm laiin, American taka Aizawla awm pawh kan awm tho a ni," tiin Vanglaini a hrilh.

"Research ka ṭan atang hian, M.Phil aṭangin Synod Zaipawlah ka tel a, zaia rawngbawl leh solo pawhin ka kal bawk a, Ph.d pawh chutiang tho a ni. Mite pawn degree hi chu an nei a, mahse ka tana a hlut zualna chu duhtawka rawngbawl chunga ka zo ve hi a ni," a ti.