'Aladdin' film-a Genie lemah Will Smith kan hmu leh dawn

Will Smith chuan a pu kohna chhangin Aladdin film-a a role pawimawh tak 'Genie' lem chu a chan chhunzawm leh dawn niin report chuan a tarlang. Kum 2019-a tihchhuah Disney musical fantasy film-chhunzawmnaah hian kan hmuh leh ngei a rinawm ta hle.

Middle Eastern folk tale, "One Thousand And One Nights" series behchhana siam hi a script pawh peihfel thawkhat a ni tawh a, kum tawp lamah chiang zawka puanzar hman tum a ni.

Oscar-a a chetpelh zeuh hnua Smith-a'n a film chan lehna hmasa ber tur a ni dawn a, Aladdin leh Jasmine lema chang Mena Massoud leh Naomi Scott-te pawh an inlan leh dawn niin an tarlang.