Ticos Dara hla 'Inkhawngaihna' dance video

Mizo Idol star Ticos Dara hla thar 'Inkhawngaihna' chu dance video-a siam a ni a, Alan Rinawma YouTube channel-ah en theihin a awm tawh.

'Inkhawngaihna' dance video hi thawnthu neia siam a ni a, Moonshine Studio kutchhuak niin a video pawh a hmuhnawm hle. Alan Rinawma YouTube channel ‘Love at First Sight Series’ zinga video pathumna a ni a, he series-ah hian  ‘Tudang Ka Ngai Toh Lo’ng’ leh ‘Jerusha’-te pawh tihchhuah a lo ni tawh bawk.

Dance video tharah hian tleirawl lam thiam tak pahnih  Christy Guite leh Jonathan Lalrinpuia te an inlan a, an lamthiam dun bawk a mit an titlai hle. Jonathan hi Frozen Crew member, India aiawha South Korea hial pawh lo thleng tawh a ni a, Mizoram chhunga competition leh battle-ahte pawh lawmman lo la tawh a ni. Christy pawh hian lam lamah sulhnu a nei ṭha tawh hle a, dance video hrang hrangah inlan tawhin Jonathana nen hian Mizo Dance Camp Team-a mi ve ve an ni.