Nimin chhun dar 12:30 khan Mizo Gospel artist lar ber tiha chhal ngam, Vanlalsailova leh Cindy B. Lalrinfeli, Lunglei chu Dawrpui Presbyterian Kohhran Biak Inah an innei.
Mo neitu leh mo chanchin<figure style="max-width: 251px;"><img src="https://api.vanglaini.org/image/image-medium/31I4kYD7MKXItSqJlHD8kGyLEMm1M8vBsgZMJn39.jpg" data-image="39301" width="251" height="286" style="width: 251px; max-width: 251px; height: 286px;"></figure>
 
West Phaileng-a piang leh seilian, Sailova hi lengzem hla chuai tawh lo tur, "Aw Hmelṭha" tih hla aṭangin Zoram mipuiin kan hmelhriat ṭan a, a hun lai na na na chuan a ni tluk an awm lo a, tun thleng pawhin a ni tluka Mizoram mai bakah ram dang thleng pawha thawm nei lian an awm lo hial ti ila kan sawi sual awm lo ve.&nbsp;
Hun eng emaw ti chhung Lengzem hla saa concert-te a neih kual hnuah, Pathian rawngbawlna lam hna thawk ṭanin hei hian rimawi thlengin a nun a thlak danglam chho ta a ni. Rawngbawlna lamahte feh-chhuakin, Agape Revival Ministry-ah Speaker a ni mek a, Mizoram State Tobacco Control Society-ah Brand Ambassador a ni bawk. Tunah hian Dawrpui Jail Vengah a cheng mek a ni.
Sailova nupui, Cindy B Lalrinfeli hi Lunglei-a piang a ni. A pa hnathawhna avangin hmun hrang hrangah awmkualin, nula fel leh nungchang ṭha tak a ni. Guwahati aṭangin LLB a zo a, AMITY University Noida aṭangin LLM ṭha taka zir zo lehin, tunah hian Aizawl District Court-ah a practice mek a ni.
<figure style="max-width: 373px;"><img src="https://api.vanglaini.org/image/image-medium/Ci0L6uYu1hgT8kxEoLJ6plpcTqkQipIo82vafoGJ.jpg" data-image="39299" width="373" height="258" style="width: 373px; max-width: 373px; height: 258px;"></figure><figure style="max-width: 510px;"><img src="https://api.vanglaini.org/image/image-medium/pRw6DS6Fee1D7TBBUUthNMnHgfIb6cZq5fRZqYv3.jpg" data-image="39300" width="510" height="512" style="width: 510px; max-width: 510px; height: 512px;"></figure>