JB-a'n USD mtd 200-in a music catalog a hralh

Justin Bieber chuan a hla aṭanga publishing leh hamṭhatna a dawn ṭhin, artist royalty-te chu music rights investment company Hipgnosis hnenah a hralh fel ta a, an inremna hlut zawng hi USD maktaduai 200 hu vel niin Billboard chuan a tarlang.

Rolling Stone chuan Bieber hunlaia ṭhangthar zaithiamin an hlate an hralhchhawn leh na sang ber niin a tarlang.

"Justin hi ṭhangkhat dana rawn inlar ṭhin zaithiam danglam bik a ni a, he inremna hian artist anga nghawng a neih nat zia chu a sawifiah mai awm e," tiin hunrei tak aṭanga Bieber-a manager lo ni tawh, Scooter Braun chuan a sawi. "Kum 15 chhung chu he zinkawng ngaihnawm tak ka zawh thei hi ka lawm takzet a, kan kalkawnga min ṭawiawmtute chungah pawh lawmthu ka sawi e. Justin-a ropuina hi a bul kan ṭan chauh zawk a ni," a ti.

Bob Dylan, Bruce Springsteen, Neil Young, Stevie Nicks, Justin Timberlake, Sting leh artist ṭhahnem takte chuan sum fai ṭhahnem takin an royalty-te hi an lo hralhṭhen tawh a ni. Warner Music Group pawhin British rock star, David Bowie-a'n kum 60 chhung zeta a catalog hnutchhiahte chu an lo leisak tawh bawk.