Entertainment khawvela chawimawina ngaihhlut 'Oscar' dawng thei tur puanchhuah a ni

The Academy Awards, Oscars tiha hriat lar bawk dawng thei turte hming chhawpchhuah a ni a, kumdang ang bawkin kuminah hian chanchin ngaihnawm tak tak a inphum ru leh a, lang awm ngawih ngawiha ngaih lang lo te an awm laiin rin lawk loha rawn lang nawkte pawh an awm nual a ni.

Oscars hi American film industry huamchhunga hnathawk ṭhate chawi-mawina niin, United States-a entertainment industry huanga chawi-mawina ngaihhlut ber a ni. Academy of Motion Picture Arts and Sciences (AMPAS) chuan he award hi kumtinin a semchhuak ṭhin a, he trophy dawng pha chinte chu "Academy Award of Merit," emaw "Oscar" emaw tiha koh ṭhin an ni.

Kumina film nomination hmu hnem ber chu "Everything Everywhere All at Once" niin nomination 11-a hmu a, "All Quiet on the Western Front" leh "The Banshees of Inisherin" te'n dawtin pakua ve ve an hmu. Nods hmu hnem zingah Elvis (8), The Fabelmans (7), Tar leh Top Gun: Maverick-in (6) ve ve hmu te an tel.

Hnawl langsar zualte

Taylor Swift, Drake, The Weeknd leh, Selena Gomez-te chuan film lamah sulhnu hnutchhiah mah se, nomination an hmu zo lo. Tom Hanks leh Rita Wilson-te hming lang lo chuan sawizui a hlawh hle.

95th Oscars hi March 12-ah Dolby Theater, Hollywood-ah nghah a ni dawn a, Jimmy Kimmel chuan a vawi thumna turin show hi a host leh dawn a, 89th leh 90th ceremony pawh kha a lo host tawh a ni.