SRK channa 'Pathaan'-i'n ni 2 chhungin Rs vbc 100 chuang lalut?

Kumina Bollywood film chhuak zinga thawm nei lian tak, Shah Rukh Khan channa "Pathaan" chu Nilaini khan tlangzarh niin, ni khat niah Rs vaibelchhia 52.5 vel a lalut niin mithiamte chuan an chhut a, nimin Republic Day nen chuan Rs vbc 100 chuang lalut nghal tura beisei a ni.

Box Office India chuan a film kalhmang chungchangah sawiselna a tawh nasat ang aia a hlawhtlin thu an tarlang. Pathaan hi film tlangzarh ni bika sum lalut hnem huangah a inhlangkai nghal.

Tlangzarh ni bika Hindi film sum lalut hnem zualte chu Hrithik Roshan channa War (Rs vbc 53.3), Aamir Khan channa Thugs of Hindostan (Rs vbc 52) leh, Kannada film KGF: Chapter 2 (Rs vbc 53.9)-te an ni.

Pathaan hi action- spy thriller film niin, SRK bakah bollywood star lian pahnih - Deepika Padukone leh John Abraham-te an chang bawk. Salman Khan pawhin cameo appearance a rawn nei bawk a ni.