India aṭangin "All That Breathes"-in Oscar-ah nomination a hmu

Shaunak Sen documentary film, "All That Breathes" chu India ram aṭangin entertainment lama chawimawina sang, Oscar-ah Documentary Feature Film category dawng thei tura thlanchhuah zingah a lang.

Mohammad Saud leh Nadeem Shehzad-te channa "All that breathes"-hi sava hliam leh enkawl ngaite la khawma an chhawmdawl dan tarlanna niin, New Delhi khawpui bawlhhlawh takah sava danglam bik leh ecosystem tana sava thawhhlawk 'black kite' vawnhim tuma an hun pum an hlan dan tarlan a ni.

"All That Breathes" hi 2022 Sundance Film Festival-ah khan chhuah a lo ni tawh a, World Cinema Documentary Competition-ah Grand Jury Prize lawmman a lo dawng tawh bawk. Cannes Film Festival-ah special screening section-a thlan zingah telin, Golden Eye award huangah best documentary hlan a ni.

HBO Documentary Films chuan he documentary hi an leisak tawh a, mahse tun thleng chuan Indian OTT platform-ah en theihin an la chhawpchhuak lo thung .