The Last of Us - chhunzawmna kan hmu leh dawn

30th January, 2023

PlayStation video game hit tak, tunhnaia series enhlawh tak ni chho leh mek "The Last of Us" season 2 kan hmu leh ngei dawn niin a siamtu lam HBO chuan Zirtawpni liam ta khan a puang.

Pedro Pascal leh Bella Ramsey-te channa Season khatnaah khan episode pakua a awm a, views maktaduai 22 chuang zet nei tawhin, hei hian a hmuhnawm zia a tichiang mai awm e.

US bikah January 15 aṭang khan pekchhuah ṭan a ni a, season khatnaa episode tinte hi an hlut hle a, hei hi hriain series siamtute chuan season 2 siam leh ngei chu ṭha an tih thu an sawi a ni.