Princess Diana Gown hmingthang tak Rs vbc 5 vel zetin hralh

Princess of Wales, Diana-i kawrchung fual senduk hmingthang tak chu Zirtawpni khan lilamnaah Rs vaibelchhe 4.9 (USD 6,00,000) chuang zetin an hralh. He kawrfual hi a man bituk ai a let nga zeta to in an hralh thei a, lal chhungkua aṭanga an thawmhnaw hralhchhuah man to ber a ni.

Diana hian kum 1991 khan official royal portrait leh, kum 1997-a Vanity Fair photoshoot-ah he gown hi a lo ha tawh a ni. Auction-ah hian USD 80,000 - 1,20,000 man inkar ni turin an chhut a, bidder paliin an inchuhna lamah a man an chhiar zat aia to zawkin an hralhchhuah theih phah ta a ni. He dress hmingthang tak hi British designer, Victor Edelstein-a Autumn collection puala a phochhuah a ni.