Rita Ora-i'n pasal a neih thu a puang!

British singer-songwriter, Rita Ora chuan a hla thar “You Only Love Me,” promote paha Heart Breakfast Show-in an kawmnaah, a kawppui Taika Waititi nen nipui liam ta khan sawm bik tlemte hmaah a rukin an inkutsuih tih a puang chiang ta a, a pasal thar tan chauh a inserhhran tawh thu a sawi bawk.

Ora hi British hmeichhia solo artist zingah UK chart top 10-a a hla 13 lanpui thei hmasa ber a ni. An inneih chungchang sawiin, "Engkim kha ka duhdan vekin a thleng a ni," a ti.

Ora leh a pasal "Thor: Love and Thunder" writer-director, Waititi-te hi April 2021 aṭang khan an inzui ṭan a, thla thum hnu "The Suicide Squad," premiere naah red carpet an zawh dun a, tunhnai lawk khan 2022 MTV EMA chu an co-host dun bawk a ni.