Khiangte Construction Ṭhazual Lengzem Chart chungber mawi tu Ivyz “Han ni la”

Zonet leh Fame Entertainment ṭangkawpin an buatsaih, Mizo Girl Group Survival Show hmasa bera pakhatna, IVYZ chuan an music video tihchhuah hmasak ber "Han ni la" hmangin Ṭhazual Chart chung ber an rawn mawi ve leh ta.

IVYZ an hmuhnawm

Hlimpuii, Saii, Vashti leh Juchi awmna IVYZ hi an zaithiam mai a ni lo, an lam thiam a, an la rap thei cheu hian an 'versatile' zia a tilang chiang mai awm e. Girl Group anga an hla hmasa ber an rawn thlawh fuhin a hla pawh a mawi bakah, show winner an nih ang ngeiin an chevel pawh thlir a nuam hle. An music video thlir duh tan Fame Entertainment YouTube channel-ah duh hun hunah hmehchhuah mai theihin a awm a ni.

David Darlong leh Remruatfeli'n san lam pan zel

Mizo Idol 2022 neih zawh taka pathumna, mi lawm leh, a bikin hmeichhe lama tla na tak David Darlong MV thar ber "Lenghermawi" chu pahnihnaah a rawn inhlangkai a, a hmuhnawm lehpek hle.

Pathumnaah hian Remruatfeli hla hit, "A chhai min ti ang" chu a la inhamtang bawk a ni.

Tute nge lo lang?

Manuna'n thla hmasa lawka a tihchhuah, "Rinmawi" chuan chart lamah a sang lam a rawn pan zel a, kan Mizo lengzem artist ṭha hi a rawn invawrh chhoh zel pawh a rinawm hle. Pangana Youth Icon star, Tetea Renthlei, "Bam leh raw! Sek! Sek!" pawhin tlakhniam a tum lo a, hun rei tak cham thei tur khawpa hla nalh a ni. Mary Dawngi, "Sakhmelmawi", Eddie Pachuau, "Bawihte", Henry Ro "Solfa", PC Lalrinsanga "Lairil hmangaihna" leh F. Laldinmawii "Ka duhaisam"-te chu chart-ah hian an lang bawk a ni.