Grammy Awards-a zai turte an hraw! Harry Styles inlan tura tihchian a ni ve leh ta

Rimawi khawvela chawimawina sang, Grammy Awards chu February hian sem a ni dawn a, zaithiam inlan turte puanchhuah an lo ni nual tawh a, heng zingah hian Harry Styles chu perform turte zingah nemngheh a ni veleh ta. "As It Was" hitmaker hi February 5-a sem turah Bad Bunny, Lizzo leh Sam Smith-te ho nen an inlan dawn a ni.

Kumin hi Grammy Awards vawi 65 an semna tur a ni dawn a, One Direction member hlui hi tunlai zaithiam huhang nei lian tak tak heng, Bad Bunny, Lizzo, Sam, Mary J. Blige, Brandi Carlile, Luke Combs, Steve Lacy leh Kim Petras-te nen stage khatah an chuangkai leh dawn a, a hmuhnawm lehpek viau tura beisei a ni.

Hei bakah Jay-Z, DJ Khaled leh Adele-te chu inlan tura hming chhawpchhuah zingah lamrik an ni a, mahse, thuchiang tak erawh hriat a la ni lo thung.

Harry-a'n "As it Was" hlawhtlinpui; Queen Bey in nods hmu hnem ber

Harry hian nomination paruk a hmu a, a hla hit "As It Was" vangin Record of the Year, Song of the Year, Best Pop Solo Performance leh Best Music Video bakah, a album thar ber "Harry's House" vangin Album of the Year leh Best Pop Vocal Album-ahte a hming a lang.

Nomination hmu hnem ber chu Beyonce Knowles niin, nods pakua laiah a hming a lang. Kendrick Lamar chuan dawtin nods pariatah a hming a lang a, Adele leh Brandi te'n pasarih ve ve an hmu bawk. Nods paruk hmu artist pali an awm a, chungte chu Future, Harry, Mary J., DJ Khaled & Randy Merrill-te an ni. Rinlawk loh takin, Mary J. leh ABBA-te chu Record of the Year leh Album of the Year dawng thei turin an hming chhawpchhuah a ni bawk

a ni.