“AMAWII” original soundtrack ‘I AWM TLAT SI’ tlangzarh ta!

Zote Entertainment buatsaih, "AMAWII" film-a Original Soundtrack 'I AWM TLAT SI' tih chu tukin zing dar 6 khan Rpa Ralte YouTube Channel ah ngaihthlak theihin phochhuah a ni ta.

He hla hi Mizo Idol 2022 Lallukhum khumtu, Hmangaihi'n a sa a, Mizo Idol a nih hnua a Music Video hmasa ber a ni nghe nghe. Hmangaihi hian he hla an buatsaih chhoh dante OST promo video-ah sawi chhuakin, OST sa tur a Film Director Mike'n a biak avanga a lawm thu leh a phur thu sawi chhuakin, Zote Entertainment Project hmasa 'Ka U Liana' film Premier-na a a kal thu leh hmuhnawm a tih thu sawiin, "An Project thar bera an original soundtrack sa tura min thlang hi ka lawm hle a ni," a ti.

He hla hi Ṭhazual Award 2022-a Best Song Writer Lengzem, leh Lelte Award 2022 Song Composer of the Year award dawngtu Rpa Ralte phuah a ni. Rpa hian a phuah bakah Music hi a Produced nghal bawk a, a kuthnute en in a nalh leh viau tur dawn tih a chiang reng mai.

AMAWII Film Director Mike-a chuan, "Mizorama thiam ber ber te pahnih kan thawhpui thei hi ka lawm hle. Ka phur tawh takzet a, ka tan chuan chawimawina ropui tak a nih bak ah he hla hian AMAWII film chu sang taka a vawrh theih ngei ka beisei a ni," a ti.

Film OST hi hla lungkuai lam deuh a ni a, AMAWII Film behchhana buatsaih a nih angin nu pakhat beidawng takin a Pathian a auhna hla, an nun beidawn zia leh an hrehawmzia pholan na hla a ni.

He hla hi Minute 3 leh Second 3 a sei niin, music video ah hian Hmangaihi bakah a film chhunga clip eng emaw zat zeh tel a ni bawk.