Marc Anthony leh Miss Universe 2021 runner up Nadia Ferreira-te innei

American singer-songwriter, leh lemchanthiam Marc Anthony leh Miss Universe 2021 pageant-a pahnihna Nadia Ferreira-te chu January 28 khan Pérez Art Museum, Miami-ah tiam tlat e an ti fel thei ta a, milar rual ṭhahnem takin a hmunah hian an telpui bawk a ni.

Marc hian a hmain nupui pathum a lo nei tawh a, Miss Universe 1993 Dayanara Torres, zaithiam lar Jennifer Lopez leh Venezuela lemchanthiam Shannon De Lima-te a lo nei tawh a, Miss Universe Paraguay, Nadia Ferreira- hi a nupui palina a ni.

Marc leh a nupui thar hi kum lamah pawh an inthlau ang reng hle. Marc hi kum 54 mi ni tawhin, Nadia erawh kum 23 mi chauh a la ni thung. An inneihnaah hian David Beckham chu bestmen zingah a ding ve a, hei bakah hian Salma Hayek, Lin Manuel Miranda, Luis Fonsi, Maluma leh Marco Antonio Solís-te'n an inneih hi an hmanpui.

Marc fa hmasate, Arianna (29) leh Chase (27) emaw, a nupui pahnihna Jennifer Lopez nena an fa phir Max leh Emme (14) te'n an pa inneihna hi an telpui em tih erawh hriat a ni lo thung.

Thawm neuh neuh an neih hnuah Marc leh Nadia-te hi May 2022 khan an inhual a, November thla khan Latin Grammy Awards-ah an lo inzui tawh bawk a ni.