Chhanchhuaktu mamawh lo SZA "SOS"

SZA chuan "SOS" album hmangin Billboard 200 albums chart a thunun chhunzawm zel a, US bikah equivalent unit 1,10,000 hmuh belh lehin kar sarih chhung chu a zawnin pakhatna dinhmun hi a hauh tawh a ni.

Taylor Swift "Folklore" chuan kum hnih liam ta khan kar riat chhung No.1 hi a lo ni tawh a, SZA hian he record khum theihna hun ṭha tak a nei mek.

Whitney Houston-i'n kum 1987-a album "Whitney" a tihchhuah hnuah, SZA album hi hmeichhiain R&B/hip-hop emaw R&B album emaw a tihchhuah zinga kar sarih chhung pakhatna ni leh thei hmasa ber a ni leh ta a ni.

Midnights leh 1989 inanna chu..

Kar hmasa lama pahnihna "Midnights" chuan a dinhmun ngai a luah leh a, equivalent unit 67,000 chuang a hmuchhuak leh. Swift hian kar 14 chhung chu a sang pahnih, Top 2 huangah a awm tawh a, hmeichhe artist zinga hetiang anga dinhmun sang chelh rei thei awmchhun dang chu tudang ni loin, amah Taylor vêk hi a ni. Kum 2014-a tihchhuah "1989" kha Top 2-ah hian kar 14 chhung zet a lo champui tawh bawk a ni.

Hetih lai hian, Trippie Redd album thar "Mansion Musik" chu pathumnaah a lungawi a ṭul a, HARDY double album thar vêk "The Mockingbird & The Crow" chu palina niin, equivalent unit 55,000 a hmuchhuak tawh. Metro Boomin, Drake & 21 Savage, Bad Bunny, Morgan Wallen, Zach Bryan leh Lil Baby-te'n chart chhuahsan zai an la rel thei lo bawk.