'Bridgerton' Star Regé-Jean Page khawvela mipa hmelṭha berah thlang

Historical fiction-romance series, Bridgerton-a a changtupa Regé-Jean Page hi khawvel mipaah chuan a hmelṭha ber tia lo sawitute ṭawngka chu thui takin a dikna chen a awm ta.

Greek Golden Ratio of Beauty Phi hmanga hmelhmang leh hmaifang an zirchiannaah, Page hi an tehna aṭanga mipa hmelṭha leh hmaifang dik tehnaah a sang ber a ni.

Page hian 93.65% hmuin celebrity zingah a hmu sang ber a ni. Kum liam ta lama 93.53% hmua pakhatna ni lai, Chris Hemsworth chu a khum a ni. Tunlai computer thiamna sang tak hmanga an thlalakte an enfiah hnuah he list hi an tichhuak a ni.

Creed star Michael B. Jordan chuan 93.46% a hmu a - Harry Styles-a'n 92.3% a hmu bawk. Greek Golden Ratio of Beauty Phi-i'n milarte a zirchianna aṭanga top 10-a lang dangte chu English footlbal player Jude Bellingham (92.22%), Robert Pattison (92.15%), People magazine-i'n tunhnaia Sexiest Man Alive atana a thlan Chris Evans (91.92%), George Clooney (89.91%), Henry Golding (87.98%), leh Dwayne Johnson (86.07%)-te an ni.