Billboard Women In Music Awards-ah Lana Del Rey, Kim Petras, leh TWICE chawimawi dawn

Music Industry lama hmeichhe thawhhlawkte hnenah an hlan ṭhin, chawimawina ngaihhlut tak, Billboard Women In Music Awards-a award dawng turte hming puanchhuah mek zel an ni a, heng zingah hian Lana Del Rey, Kim Petras, leh TWICE-te pawh an tel.

YouTube Theater, Los Angeles-ah March 1 hian semchhuah a ni dawn a, Emmy-winning writer leh actor Quinta Brunson (Abbott Elementary) chuan ceremonny hi a host ang.

Del Rey chuan Visionary Award, Kim Petras-i'n Chartbreaker Award, leh K-pop girl group ṭhangduang tak TWICE hnenah Breakthrough Award hlan a ni ang. Olivia Rodgrigo chuan kum hmasa khan Woman of the Year hi a dawng a, tunkar hian award dawng turte puanfel hman rin a ni.