Vanessa Hudgens leh MLB star a rukin an inhual

High School Musical film series aṭanga tleirawlte atchilhrawn ni ṭhin, Vanessa Hudgens chu nikum khan MLB star Cole Tucker nen an inhual niin TMZ chuan a tarlang.

Kum 34 mi lemchanthiam leh MBL star hi nikum kum tawp lam khan a rukin an inhual niin an sawi a, November thla vekah Paris-ah an pahniha hun an hmandun lai hi hmuh a ni bawk.

Vanessa leh Cole te hian an inhual tih thuthang chungchangah thuchhuah an la siam lo. Kum 2020 aṭang khan sawizawm ṭan an ni a, kum 2021 Valentines Day khan an inngaihzawnna hi an ti 'Instagram official' ta a ni.

"The Drew Barrymore Show"-a a inlan ṭumin Vanessa chuan Cole be hmasatu zawkah a ṭan thu sawichhuakin, "Ka duh chu va ban chat mi ka ni - thil ka duh emaw mi ka ngaina emaw a nih chuan ka umzui zel dawn a ni," tiin fiamthu titak deuhin a sawi a, "Hma la hmasatu zawka ṭan hi a zahthlakna a awm lo," a ti.