2024-ah Gladiator 2 kan hmu dawn!

Kum 2000-a Russell Crowe channa hmuhnawm em em mai, "Gladiator" chhunzawmna chu November 22, 2024-ah tlangzarh a ni dawn.

Award-winning drama movie-ah hian hmelthar kan hmu dawn a, kum 26 mi Paul Mescal chuan a changtupa chan a rawn chang tawh thung dawn a ni.

Film chungchangah hian thuchhuah mumal tak siam a la ni lo a, Paul hian Connie Nielsen fapa Lucius role a rawn la dawn a ni.

Kum 58 mi, Russell Crowe chuan Maximus-a role-ah a chan tawh loh tur thu a sawi chiang tawh a, film hmasa nen kha chuan a kalphung pawh tlema her danglam deuh a nih tur thu a tarlang.

Gladiator film hlawhtling tak hi Daniel P. Mannix-a'n kum 1958-a a lehkhabu ziah, "Those About to Die" aṭanga rawn piang chhuakin, Ridley Scott chuan a direct a ni. Film chhunzawmnaah pawh hian Ridley kutchhuak kan hmu leh dawn a ni.