Rimawi khawvelah ka la rawn kir leh ang : Ozzy

Heavy metal band, Black Sabbath-a an lead vocalist Ozzy Osbourne chuan a natnate enkawl dam a nih hunah rimawi khawvelah lo kir a tum thu a sawi. Kum 74 mi lai ni tawh, Ozzy hian Nilaini liam ta lawk khan Judas Priest-i'n UK leh European tour an neihna aṭangin a taksa lam hrisel tawk loh avangin a inhnuhdawh thu a puang. Hun rei tak chhung chu a kawng(spine) natna leh Parkinson's Disease vangin loh theih lohna avanga a inhnuhdawh a ngaih phah a, mahse rock legend chuan a fans-te nena stage khata han chuan ho leh chu a thil chak ber a nih thu a sawi.

Hetihlai hian, Los Angeles lama khawsa mek Black Sabbath star leh a nupui Sharon Osbourne-te hian an seilenna, Britain lamah kir an rilruk thu leh, an fate pahnih Jack Osbourne (37) leh Kelly Osbourne (38)-te pawhin an nu leh pate hnungzui hian an ram lamah kir zai rel an tum niin an sawi.

"Prince of Darkness" tih hminglem an pek, Ozzy hian Black Sabbath leh solo artist angin album maktaduai 100 chuang a hralh tawh a ni. Black Sabbath member a nihna angin Rock and Roll Hall of Fame-ah lakluh niin, band member leh a solo career vangin UK Music Hall of Fame-ah lakluh a lo ni tawh bawk a ni.